Brain rot

جامعة اكسفورد نشروا مصطلح في قاموسهم

BRAIN ROT واللي هو 2024 ل عام

"تعفن الدماغ"🧠

واختاروا المصطلح بعد تصويت 37 الف شخص واللي كانوا اغلبهم يشوفون ان مصطلح "تعفن الدماغ" هو فعلاً المصطلح اللي يمثل هالسنة بشكل كبير وخصوصاً مع زيادة المحتوى الترفيهي السرريع والغير هادف واللي يضيع الوقت ويأثر على ادمغة الناس وانتاجيتهم.

ومصطلح تعفن الدماغ هو تعبير مجازي يوصف فيه الحال اللي وصلت له ادمغة الناس بسبب استهلاكهم الزايد للسوشال ميديا وللمحتوى الترفيهي الفارغ.

تعالوا اشرح لكم اكثر عن المصطلح..

بالبداية ترى مصطلح تعفن الدما غ يعتبر مصطلح قديم و انتشر لأول مره في عام 1854 في كتابات الكاتب الأمريكي "هنري ديفيد" وفي ذاك الزمن هو استخدم مصطلح تعفن الدماغ عشان ينتقد افكار مجتمعه كان ينتقد افكار مجتمعه اللي كانوا يسعون الى تبسيط الأفكار وتسهيلها عشان ما يفكرون اكثر وبعمق ويشغلون عقولهم فهو انتقدهم ووصف دماغهم انه مُتعفن.

والمصطلح هذا رجعوا الناس يستخدمونه من جديد ويوصفون فيه التدهور العقلي والفكري اللي وصلوا له الناس في هذا العَصر بسبب استهلاكهم للسوشال ميديا والجوال بشكل عام وخصوصاً بالمحتوى الترفيهي اللي ماله قيمة وسريييع ..

زي ايشش يعني؟.

زي الفيديوهات السريعة اللي نشوفها يومياً اما بالت/. يك ت../وك او الريلز فديو ورا الثاني واحنا مو مستوعبين تأثيرها علينا وعلى الدماغ وغالباً 99 منها مالها اي فايدة.

والكلام هذا ما يشمل الجميع طبعاً ولا كل من قعد على الجوال وتفرج .. المقصودين فيه هم الأشخاص اللي يقضون ساعات طويلة يعني عادي نص يومهم او حتى كله يروح على محتوى ترفيهي او محتوى ماله اي معنى وفايدة وادمغتهم خلاص صارت في حالة ركود وفقدت التركيز والأنتاجية في الحياة.

ومع انتشار مصطلح تعفن الدماغ الت،، يك ت،،وك كان اكثر منصة يحذرون منها الاطباء والسبب هو انه يقدم محتوى زي ما قلتلكم ترفيهي غالباً يكون ماله معنى ولا فايدة وسرييع وما يحتاج تفكير عميق ولا حتى تركيز

وهذا هو اساس المشكلة لأن المقاطع القصيرة اذا ادمنها الشخص لها اضرار ما راح يحس فيها إلا لما تبين عليه بشكل واضح ..

نرجع لموضوع تعفن الدماغ..

بذكر لكم بعض النقاط اللي تدل على تعفن الدماغ واذا كانت موجودة عندكم اعرفوا انكم تعانون منه ومن ادم،، ان الس،،وشيال مي،،ديا والمحتوى الترفيهي الفارغ ولازم انكم تحطون حد لمتابعة مثل هالمحتوى وتبدأون تركزون على محتوى ينمي عقولكم ويفيدكم وتركزون اكثر على تطوركم وانتاجيتكم.

(ونرجع نقول هو مُصطلح مجازي يعني مو معناته انه حقيقي الدماغ فيه عفن)

الأشخاص المدمنين على المحتوى الترفيهي السريع

اللي بدون هدف راح يلاحظون اول عرض هو قلة التركيز والتشتت لأن مثل هذا المحتوى بسبب طبيعته السريعة والسطحية راح يخلي العقل دائماً في حالة ركود وما بشتغل بشكل فعال وقوي.

وحتى بيلاحظون انهم معد صاروا يقدرون يركزون على مهام تتطلب منهم تفكير عميق او جهد عقلي و بنفس الوقت مستحييل يقدرن يشوفون مقاطع طويلة لأنهم تعودوا على سرعة التسلية بالمقاطع اللي بالمنصات و اللي ما تحتاج منهم أي تركيز حقيقي.

وثاني نقطة راح يلاحظونها هالأشخاص هي تقلبات مزاجهم وتغيير نفسياتهم بسرعة لأن الأدم،، ان على المحتوى السريع او العابر وخصوصاً المقاطع القصيرة راح تسبب تخبط عاطفي بالعقل لانه مره راح يطلع لكم مقطع يخليكم تضحكون ومره راح يطلع لكم شيء يزعلكم وممكن يخليكم تبكون وبعدها ترجعون تشوفون شيء يضحك وتضحكون والعقل ياعمري عليه ما يدري وش تبون منه.

وهذا التغيير المفاجئ والمتكرر راح يسبب فوضى عاطفية في حياتكم لأن العقل يتعود على التحفيز الفوري من المحتوى ف بالتالي راح يسير صعب على هالاشخاص التعامل مع المشاعر بشكل ثابت او متوازن ومع مرور الوقت هذا التخبط ممكن يسبب لهم مشاعر غريبة مستمرة زي القلق.

وثالث نقطة راح يلاحظها ذول الأشخاص هو الانفصال عن الواقع لان الاستهلاك المفرط للمحتوى السريع والعابر طبيعي انه يسبب لهم إدم،،ان وما بعد الأدم،،ان راح يسير عندهم انفصال تدريجي عن الواقع لأنهم راح يقضون ساعات طويلة غارقين في عالم افتراضي مليان بمقاطع سطحية وهذا الشيء راح يخليهم يعزلون انفسهم عن حياتهم الحقيقية وعلاقاتهم

الأجتماعية ومسؤولياتهم اليومية.

والسبب الرئيسي للأدم،،ان هو الدوبامين

لانه كل ما ذول

الأشخاص تابعوا محتوى ترفيهي او محتوى سريع زي المقاطع القصيرة راح يفرز عندهم هرمون الدوبامين وينبسطون ويحسون بالسعادة وبعد ما يستهلكون الهرمون راح يختفي عندهم الشعور ويضطرون يرجعون يشوفون مقاطع وبكذا يدخلون في دوامة تسبب لهم الأدم ،،ان ..

وعشان كذا ينصحون المختصين بصيام الدوبامين

للأشخاص اللي يتوقعون انهم يعانون من تعفن الدماغ .. وبنفس الفترة اللي تطبقون فيها صيام الدوبامين حاولوا تنشطون عقولكم من خلال قراءة الكتب والأطلاع على المحتويات اللي تغذي العقل وتفيده 🧠💡.

وحاولوا انكم تبدأون تحلون الغاز

لانه معروف ان الألغاز تنشط العقل وتزيد من التركيز لأن الدماغ زي العضلة اللي تحتاج تدريب عشان تشتغل بالشكل المطلوب واذا تركتوها واهملتوها تكسل وتفقد مهارتها وحاولوا انكم تجبرون انفسكم تشوفون مقاطع طويلة بدون تسريع او حتى انقطاع واكيد الموضوع بالبداية صعب لأن الموضوع بالضبط زي الأدم،،ان اللي يحتاج علاج وتدريب ولكن مع الوقت راح تتعودون وراح تلاحظون إن تركيزكم قاعد يتحسن وصبركم قاعد يزيد.

وبكذا راح تتعودون تتابعون المحتوى الهادف والطويل بدون ملل وبتبدأون تستفيدون منه فعلياً بدال ما يضيع وقتكم على اشياء سطحية وما لها فايدة

فالمصطلح اللي اطلقوه ل 2024 واللي هو "تعفن الدماغ" يعبر عن وضع دماغنا حالياً بسبب المحتوى الرقمي وكيف ان الدماغ قاعد يستقبل كل هذا الكم من المحتوى والمقاطع والتفاصيل العابرة ويخزنها عنده وهي مالها اي فايدة!

ومجازياً هم اعتبروا ان الدماغ تعفن بسبب كل هالامور ..